ಪ್ರತೀ ಸಂಚಿಕೆಗಳಲ್ಲಿ ಸಾಹಿತ್ಯವನ್ನೂ ಸಮೀಕರಿಸಿದ, ನರ್ತನದ ವೈಶಾಲ್ಯ ಸಾರುವ ಕವನಗಳ ಪುಟ್ಟ ಪುಟ್ಟ ಸಾಲುಗಳನ್ನು ನೀವು ಓದುತ್ತಲೇ ಇದ್ದೀರಿ, ಮೆಚ್ಚಿದ್ದೀರಿ. ಈ ಮೂಲಕವಾಗಿ ಸಾಹಿತ್ಯದ ವಿಭಿನ್ನ ಅಂಗಳದಲ್ಲೂ ನರ್ತನ ರಂಗವನ್ನೂ ದರ್ಶಿಸುವ, ಪರಿಭ್ರಮಣೆ ಮಾಡುವ ಇಚ್ಛೆ ನಮ್ಮದು.
ನೃತ್ಯ – ನಾಟ್ಯ – ಕುಣಿತ… ಹೀಗೆ ನರ್ತನ ಜಗತ್ತಿನ ವೈಭವ ಸಾರುವ ಅಥವಾ ನರ್ತನವನ್ನು ಆಧಾರವಾಗಿರಿಸಿ ರಚಿಸಿದ ಭಾವ-ಅನುಭವ-ಅನುಭಾವಗಳ ಲಹರಿಯಿದು. ತಡವೇಕೆ? ನಿಮ್ಮ ಸಂಗ್ರಹದಲ್ಲಿರುವ ನರ್ತನದ ಕುರಿತಾಗಿನ ಚೆಂದನೆಯ ಸಾಲುಗಳನ್ನು ಲಲಿತ ಲಹರಿಗೆ ಬರೆದು ಕಳಿಸಿ. ನಿಮ್ಮದೇ ಸಾಲುಗಳಾದರೆ ಮತ್ತಷ್ಟು ಸಂತೋಷ. ಲಲಿತ ಲಹರಿ ನಮ್ಮಲ್ಲಡಗಿದ ಭಾವ ಭಿತ್ತಿ.. ಕಾವ್ಯ ಗುಚ್ಛ..
It is a platform for poetry/creative writing on Dance. POets/dancers with creative abilities can also contribute this column. So far many lyricist/scholars have shared their lyrics which can be adopted to Dance. Even the common public also share the poets works by referring, quoting their skills towards Dance and performing art. The greatest contribution of this column to dance world is Ashtanayika Chittavritti (runed almost a year) in which whole column dealt 8 Nayikas . It includes the detailed explanation given by Editor; Poetry contributed by Shatavadhani Dr.R.Ganesh and Divakara Hegde and dramatic note on Nayika by Mantapa Prabhakara Upadhya.Now it is turn toward Nayaka Manodharma- penned by legendary scholar Shatavadhani Dr.R.Ganesh. Come let us think different towards the literary works to be adopted in Dance and its various components.
- ಚೆನ್ನವೀರ ಕಣವಿ
…ಬಂತು ತುಂಬಿ ಗಾನ ತುಳುಕಿ
ಬಂತು ಚಿಟ್ಟೆ ಬಣ್ಣ ಸೋಕಿ,
ಒಂದು ಜೇನ ಹನಿಯ ಹುಡುಕಿ
ಒಂದು ಬಣ್ಣಕಾಗಿ ಬೆದಕಿ
ಭೃಂಗ ಗುಂಗು ಹಿಡಿಸಿತೋ
ಚಿಟ್ಟೆ ನೃತ್ಯವಾಡಿತು…
ಎಲೆ ಮಲ್ಲಿಗೆ, ಚೆಲು ಗುಲಾಬಿ
ಬಾರ ಚಿಟ್ಟೆ, ಬಾರ ತುಂಬಿ
ಮನದ ತುಂಗ ಶೃಂಗದಲ್ಲಿ
ಎನ್ನ ಹೃದಯ ರಂಗದಲ್ಲಿ
ದ್ವೈತವಿರದ ಕೂಟದಲ್ಲಿ
ಆತ್ಮನಮರ [...]
- ದಾಸಜ
ಅಭಿನಯವದೆಂದೆನಲು ಜೀವರಸ ಸುಧೆಯಕ್ಕು
ಅಭಿಮಾನದಿಂ ಕಾಯೆ ಕಲೆಯ ಚೆಲು ನೆಲೆಯಕ್ಕು
ಅಭಿಸರಣವಾತ್ಮಕುಂ ಶಾಂತತೆಯ ನೆಲೆಗಾಣ್ವ
ಚಿಂತನೆಯ ಮಾರ್ಗವಕ್ಕುಂ
ಅಭಿದಾನವಕ್ಕದುಂ ಸಾಧಿಪರ ಮತಿಗೆನಲು
ಕಬಳವದು ಜ್ಞಾನಿಗುಂ ಸಂಸ್ಕೃತಿಯ ಕಾಣ್ವಗುಂ
ಸಬಲವದು ಚಿತ್ತವೃತ್ತಿಯತೋರಮಿಗೆ
ಜಗದ ದೃಶ್ಯಮಂ ಪ್ರತಿಬಿಂಬಿಸಲ್
- ದ.ರಾ.ಬೇಂದ್ರೆ (ಅರುಳು-ಮರುಳು)
ಕಾಳಿ ಗಾಳಿಯಲಿ ಗಾಡಿಯೇರುತಿರೆ
ಗಾಲಿ ತಿರುಗುತಿಹವು
ಕಾಲಕಾಲಕೂ ಕಾಲ ತಾಲದಲಿ
ಗೆಜ್ಜೆ ಮಿರುಗುತಿಹವು
ಇದು ಯಾವ ಗೀತಿ, ನವರೀತಿಯಲ್ಲಿ
ಭಯ ಭೀತಿ ತೊರೆದು ಬಂತು ?
ನಾಂದಿಯಾಗಿ ನವನಾಟ್ಯ ನಡೆಸಿರಲು
ವಿಶ್ವ ನಟನೆ ನಿಂತು.
ಈ ಮಾಸ ವಿಜಯದಶಮಿಯ ಪರ್ವಕಾಲ. ಹತ್ತು ದಿನಗಳ ಪರ್ಯಂತ ದುರ್ಗೆಯ ನಾನಾ ರೂಪಗಳನ್ನು ಪೂಜಿಸಿ, ವಿದ್ಯೆಯಲ್ಲಿ ಯಶಸ್ಸು, ವಿದ್ವತ್ತನ್ನು ದಯಪಾಲಿಸಬೇಕೆಂದು ಬೇಡುವ ಕಾಲ. ನಾಡಹಬ್ಬದ ಈ ಸಂದರ್ಭ…, ನಮ್ಮ ನಮ್ಮಲ್ಲಿನ ಬೇಧಗಳನ್ನು ಮರೆತು, ಐಕ್ಯತೆಯನ್ನು ಮೆರೆದು, ಸಂಗೀತ-ನೃತ್ಯ-ನಾಟಕ ಮುಂತಾದ ಲಲಿತಕಲೆಗಳತ್ತ, ಸಾಹಿತ್ಯ-ಸಂಸ್ಕೃತಿಗಳತ್ತ ನೋಟ ಬೀರುವ, ಹಂತದಲ್ಲಿ ಈ ಸಂಚಿಕೆಯನ್ನು [...]