ಕಾಲ-ನಾಟ್ಯ, ಪ್ರಕೃತಿದಿನ

ಆಕಾಶಚಾರಿಯಲಿ ಕಾಲಪುರುಷ ಲಯಬದ್ಧವಾಗಿ ಸಾಗಿ

ಇನ್ನೊಂದು ಹಜ್ಜೆ ಎತ್ತಿಟ್ಟು ರಂಗಗೊಳಬಂದ ಕೊರಳು ತೂಗಿ

ಎದ್ದೆದ್ದು ಬಿದ್ದು ಬಿದ್ದೆದ್ದು ಎದ್ದು ಸದ್ದಿಸುವ ಹುಚ್ಚು ಹೊತ್ತ

ಪ್ರೇಕ್ಷಕರ ಕಾಣ ನಿರ್ಮೌನ ತಾಣ ಮುಂಪಯಣವೆತ್ತ ಗೊತ್ತಾ ??

***********

ಬಾಗಿ ಬಳುಕುವ ಲತೆಗಳಲಿ ಭೂವ್ಯೋಮಚಾರಿಯ ಸೂಚಿಸಿ

ವಿವಿಧ ಭಂಗಿಯ ವೃಕ್ಷಗಳ ಕೊಂಬೆಯಲಿ ಆಂಗಿಕ ರೇಖಿಸಿ

ಅರಳುಹೂಗಳ ದಳಗಳಂಗುಲಿಗಳಲಿ ಮುದ್ರೆಯ ತೋರ್ದುದು

ನಿತ್ಯಸಾತ್ತ್ವಿಕದಲ್ಲಿ ನರ್ತನದಿನವ ಮೆರೆದಿದೆ ಪ್ರಕೃತಿಯು

***********